میڈیا رپورٹس کے مطابق, وزارتِ خزانہ کی جاری کردہ ماہانہ معاشی رپورٹ کے مطابق سات ماہ میں مہنگائی کی شرح 28.7 فیصد سے کم ہو کر 6.5 فیصد پر آگئی۔ رواں مالی سال میں ترسیلاتِ زر، برآمدات اور درآمدات میں نمایاں اضافہ ریکارڈ کیا گیا، جبکہ کرنٹ اکاؤنٹ خسارہ سرپلس میں تبدیل ہوگیا۔ زرمبادلہ کے ذخائر 11.2 ارب ڈالرز سے تجاوز کر گئے اور روپے کی قدر مستحکم رہی۔ ایف بی آر محصولات میں 26.2 فیصد اور نان ٹیکس آمدنی میں 82 فیصد اضافہ دیکھا گیا، جبکہ مالی خسارے میں 36.1 فیصد کمی واقع ہوئی۔ جنوری 2025 میں 63 ہزار سے زائد پاکستانی روزگار کے لیے بیرون ملک روانہ ہوئے۔
