میڈیا رپورٹس کے مطابق پاکستان کرکٹ ٹیم کو چیمپئنز ٹرافی سے قبل بڑا دھچکا لگا، فخر زمان انجری کے باعث ایونٹ سے باہر ہو گئے۔ آئی سی سی کی ایونٹ ٹیکنیکل کمیٹی نے ان کی جگہ امام الحق کی شمولیت کی منظوری دے دی۔ پاکستان کرکٹ بورڈ (پی سی بی) کے مطابق، فخر زمان قومی ٹیم کے ہمراہ دبئی روانہ نہیں ہوں گے، کیونکہ ان کی انجری سنجیدہ نوعیت کی ہے۔ ایونٹ ٹیکنیکل کمیٹی میں وسیم خان، عثمان واہلہ، سارا ایڈگر اور شان پولاک شامل ہیں۔
