گلوکار عاطف اسلم نے ان خبروں کی تردید کی ہے کہ انہوں نے سعودی عرب میں پرفارم کرنے سے انکار کیا ہے۔
اردو نیوز کے مطابق صحافی ملیحہ رحمان کے ساتھ گفتگو میں عاطف اسلم کا کہنا تھا کہ انہوں نے سعودی عرب میں پرفارمنس سے انکار نہیں کیا اور نہ ہی اس حوالے سے کوئی بیان دیا ہے۔
سوشل میڈیا پر خبر گردش کر رہی تھی کہ عاطف اسلم نے مقامات مقدسہ کے سبب سعودی عرب میں پرفارم کرنے سے انکار کردیا ہے۔
عاطف اسلم نے واضح کیا ہے کہ انہوں نے ایسا کوئی بیان ہی نہیں دیا، اور نہ سعودی عرب میں پرفارمنس سے انکاری کیاہے، ان کے نام سے پھیلایا گیا بیان غلط ہے
عاطف اسلم کے مطابق وہ ماضی میں سعودی عرب کے دارالحکومت ریاض میں پرفارم کر چکے ہیں
