نیشنل ڈیزاسٹر مینجمنٹ اتھارٹی (این ڈی ایم اے) نے 22 سے 27 اپریل تک ملک بھر میں شدید گرمی کی لہر کی پیشگوئی کرتے ہوئے ایڈوائزری جاری کر دی ہے۔ ایڈوائزری کے مطابق جیکب آباد میں سب سے زیادہ درجہ حرارت 43 ڈگری سینٹی گریڈ ریکارڈ کیا گیا، جب کہ مٹھی، بہاولنگر اور نوابشاہ میں درجہ حرارت 42 ڈگری تک پہنچ گیا۔ کراچی، قصور اور لسبیلہ میں 41، لاہور میں 38، اسلام آباد 36، پشاور 35، مظفرآباد 33، کوئٹہ 25 اور گلگت میں 22 ڈگری سینٹی گریڈ ریکارڈ کیا گیا۔ دوسری جانب خیبرپختونخوا، گلگت بلتستان اور آزاد کشمیر کے چند علاقوں میں بارش کا امکان بھی ظاہر کیا گیا ہے۔ این ڈی ایم اے نے عوام اور متعلقہ اداروں کو گرمی کی اس غیر معمولی لہر کے دوران احتیاطی تدابیر اختیار کرنے کی ہدایت کی ہے۔
