کراچی کے ایک شہری نے کپڑے وقت پر تیار نہ کرنے پر دکاندار کے خلاف کنزیومر پروٹیکشن کورٹ ساؤتھ سے رجوع کرلیا۔ شہری کے مطابق دکاندار نے 20 فروری کو کپڑے تیار کر کے دینے کا وعدہ کیا تھا لیکن کئی بار دکان پر جانے کے باوجود کپڑے فراہم نہیں کیے گئے۔ شہری کا کہنا ہے کہ کپڑے وقت پر نہ ملنے کے باعث بھائی کی منگنی کے لیے متبادل لباس خریدنا پڑا، جس سے مالی اور ذہنی پریشانی کا سامنا کرنا پڑا۔ عدالت نے درخواست پر ابتدائی سماعت کے بعد دکاندار کو نوٹس جاری کر دیا ہے۔ شہری نے عدالت سے استدعا کی ہے کہ وعدہ خلافی اور ذہنی اذیت پر دکاندار پر 1 لاکھ روپے کا جرمانہ عائد کیا جائے۔
