حافظ نعیم الرحمان کو جماعت اسلامی پاکستان کا نیا امیر منتخب کرلیا گیا ہے ۔

حافظ نعیم الرحمان کو جماعت اسلامی پاکستان کا نیا امیر منتخب کرلیا گیا ہے ۔ یہ فیصلہ ارکان جماعت اسلامی کی اکثریت نے کیا ۔ جماعت اسلامی میں ہر پانچ سال بعد امیر کا انتخاب ہوتا ہے ۔ اس بار مرکزی شوریٰ نے ارکان جماعت کی رہنمائی کے لیے تین نام پیش کیے تھے ۔ ان میں سراج الحق ، لیاقت بلوچ اور حافظ نعیم الرحمان شامل تھے ۔ سراج الحق کو 2014 میں جماعت اسلامی کا امیر منتخب کیا گیا تھا ، وہ دس سال اس ذمے داری پر فائز رہے۔ ان سے پہلے سید منور حسن ، قاضی حسین احمد ، میاں طفیل محمد اور مولانا سید ابوالاعلیٰ مودودی اس ذمے داری پر فائز رہے ۔ جماعت اسلامی کی بنیاد سید ابوالاعلیٰ مودودی نے 1941 میں رکھی تھی