جیو نیوز کے مطابق کراچی میں عید کے تین روز کے دوران ٹریفک حادثات میں 6 افراد جاں بحق ہوگئے۔ پولیس کے مطابق گلشن اقبال اور ملیر میں پہلے دو روز میں ایک شخص کی ہلاکت ہوئی، جبکہ آج اورنگی ٹاؤن، سپر ہائی وے، لیاقت آباد اور سائٹ ایریا میں 4 افراد جاں بحق ہوئے۔ اورنگی ٹاؤن میں رکشہ ٹینکر سے ٹکرا گیا، سپر ہائی وے پر گاڑی کی ٹکر سے خاتون جاں بحق اور لیاقت آباد میں تیز رفتار گاڑی کی ٹکر سے نوجوان موٹرسائیکل سوار ہلاک ہوگیا۔ رواں سال ٹریفک حادثات میں 238 افراد جاں بحق اور 3131 زخمی ہوچکے ہیں۔
