وزیرِ اطلاعات سندھ، شرجیل انعام میمن نے کہا کہ سندھ حکومت نے ایسے کامیاب منصوبے بنائے ہیں جن کی عالمی سطح پر تعریف کی گئی ہے، جس پر پورے ملک کو فخر ہونا چاہیے۔ انہوں نے بتایا کہ 21 لاکھ بے گھر افراد کو گھر فراہم کرنے کے منصوبے پر کام جاری ہے اور اب تک ساڑھے سات لاکھ گھر مکمل ہو چکے ہیں۔ سندھ حکومت نے سیلاب متاثرین کے لیے اہم اقدامات کیے ہیں اور قانون کی خلاف ورزی کرنے والوں کے خلاف سخت کارروائی کی جا رہی ہے۔ انہوں نے پاکستان تحریک انصاف پر الزام عائد کیا کہ 9 مئی کے واقعے میں ان کے بانی کا ہاتھ تھا اور پارٹی نے پاکستان کو نقصان پہنچانے کی کوشش کی۔
