مہنگی بجلی سے تنگ شہریوں نے بڑی تعداد میں سولر پینلز لگوائے
ملک میں سولر پینلز اتنی بڑی تعداد میں لگوائے گئے کہ نیا ریکارڈ بن گیا
ایکسپریس نیوز نے نیپرا رپورٹ کا حوالہ دیتے ہوئے بتایا کہ سال 23 کے اعداوشمار کے مطابق سولر پینل اور نیٹ میٹر لگوانے والوں میں لاہور سرفہرست رہا ۔ لیسکو میں مالی سال 2023 میں 19ہزار سے زائد صارفین نے نیٹ میٹر لگوائے۔
اسلام آباد میں 2023 میں 14 ہزار 958 صارفین نے نیٹ میٹر لگوائے۔
کراچی میں مالی سال 23 میں نیٹ میٹرز کی تعداد 4512 رہی۔
مالی سال 24 میں اس میں تقریبا 50فیصد اضافہ ہوا جو اب تک 6300 کے قریب پہنچ گئی ہے۔
ملک بھر میں مجموعی طور پر سال 2023 میں 48 ہزار 689 نیٹ میٹر لگے۔
