وزیر دفاع خواجہ آصف نے کہا ہے کہ سب کچھ عمران خان کی مرضی سے ہو رہا ہے۔ لیکن یہ اپنے کارکنوں کو بنا رہے ہیں۔
ہم نیوز کے مطابق وزیر دفاع خواجہ آصف نے اپنے ایک بیان میں کہا کہ بشریٰ بی بی کی رہائی اور پشاور روانگی معمول کی کارروائی نہیں۔ گنڈاپور کا پہلے دھمکیاں دینا اور پھر جلوسوں سے غائب ہونا پھر نمودار ہونا معمول کی کارروائی نہیں ہے۔
انہوں نے کہا کہ بشریٰ بی بی کا پنجاب کو خیر آباد کہہ کر وزیر اعلیٰ ہاؤس پشاور میں ڈیرے ڈالنا پس پردہ داستان کی نشاندہی ہے۔
خواجہ آصف نے کہا کہ بشریٰ بی بی اور علی امین گنڈاپور کی نقل و حرکت کسی نورا کشتی اور معافی تلافی خبر دیتی ہیں۔
