قومی و صوبائی اسمبلی کے 21 حلقوں میں ضمنی انتخاب کے لیے پولنگ کل ہوگی
ملک میں ضمنی انتخابات کے موقع پر پولنگ کل ہورہی ہے ۔ مجموعی طور پر ملک بھر میں قومی و صوبائی اسمبلی کے 21 حلقوں میں پولنگ ہوگی ۔ اس موقع پر سیکیورٹی کے انتظامات سخت کرنے کا فیصلہ کیا گیا ہے ۔ قومی اسمبلی کی پانچ اور صوبائی اسمبلی کی سولہ نشستوں پر پولنگ صبح آٹھ بجے شروع ہوگی ۔ پنجاب اسمبلی کی بارہ ، کے پی اور بلوچستان اسمبلی کی دو ، دو نشستوں پر پولنگ ہوگی ۔
