حافظ نعیم الرحمان نے امیر جماعت اسلامی پاکستان کے عہدے کا حلف اٹھالیا
حافظ نعیم الرحمان نے امیر جماعت اسلامی پاکستان کے عہدے کا حلف اٹھالیا ، وہ جماعت اسلامی کے چھٹے امیر ہیں ، تقریب حلف برداری جماعت اسلامی کے ہیڈ کوارٹرز منصورہ میں ہوئی ۔ حافظ نعیم الرحمان اس سے پہلے جماعت اسلامی کراچی کے امیر تھے ۔ وہ پیشے کے اعتبار سے انجینئر ہیں ۔ انہوں نے این ای ڈی یونیورسٹی کراچی سے بی ای کیا ۔ جماعت اسلامی کی بنیاد 1941 میں سید ابوالاعلیٰ مودودی نے رکھی تھی ۔ وہ سن 1972 تک جماعت اسلامی کے امیر رہے ۔ میاں طفیل محمد دوسرے ، قاضی حسین احمد تیسرے ، سید منور حسن چوتھے اور سراج الحق پانچویں امیر تھے ۔ جماعت اسلامی پاکستان کی واحد جماعت ہے جہاں جمہوریت ہے اور باقاعدگی سے ہر پانچ سال پر امیر کے انتخاب کے لیے الیکشن ہوتا ہے
