کراچی میں اعلیٰ ثانوی تعلیمی بورڈ کے تحت انٹر کے سالانہ امتحانات کا آغاز ہو چکا ہے، جس میں 1 لاکھ 26 ہزار 500 سے زائد طلبہ شریک ہیں۔ امتحانات دو شفٹوں میں لیے جا رہے ہیں، اور 182 امتحانی مراکز قائم کیے گئے ہیں، جن میں 36 حساس مراکز پر خصوصی سیکیورٹی انتظامات کیے گئے ہیں۔ نقل کی روک تھام کے لیے مانیٹرنگ سیل اور سپر ویجی لینس ٹیمیں تشکیل دی گئی ہیں۔ چیئرمین بورڈ نے نتائج کا اعلان دو ماہ کے اندر کرنے کی یقین دہانی کرائی ہے، جبکہ امتحانات 29 مئی 2025 تک جاری رہیں گے۔
