کراچی کے علاقے بھینس کالونی میں نورانی ہوٹل کے قریب تیز رفتار ٹرک نے موٹرسائیکل کو ٹکر مار دی، جس کے نتیجے میں دو نوجوان موقع پر ہی جاں بحق جبکہ ایک زخمی ہوگیا۔ جاں بحق افراد کی شناخت 22 سالہ منیب اور 20 سالہ شایان کے طور پر ہوئی ہے، جبکہ زخمی نوجوان کی شناخت 24 سالہ داؤد خان ولد سمیع اللہ خان کے نام سے کی گئی۔ ایدھی ایمبولینسز کے ذریعے تمام متاثرہ افراد کو جناح اسپتال منتقل کیا گیا۔ پولیس نے شہریوں کی مدد سے حادثے کے ذمے دار ٹرک ڈرائیور کو گرفتار کر کے گاڑی کو قبضے میں لے لیا ہے۔
