اسپیشل انویسٹمنٹ فیسیلیٹیشن کونسل (SIFC) کے مطابق پاکستان میں رواں مالی سال کے ابتدائی 8 ماہ کے دوران براہ راست غیر ملکی سرمایہ کاری میں 41 فیصد اضافہ ہوا، جس کے بعد سرمایہ کاری کا حجم 1.6 ارب ڈالر تک جا پہنچا۔ توانائی، زراعت اور ٹیکنالوجی سمیت مختلف شعبوں میں سرمایہ کاری کا رجحان بڑھ رہا ہے، جبکہ “سنگل ونڈو ماڈل” اور بین الوزارتی روابط کی بہتری نے سازگار ماحول پیدا کیا ہے۔ خلیجی ممالک کی سرمایہ کاری سے تجارتی روابط مستحکم ہوئے ہیں اور پاکستانی اسٹارٹ اپس بین الاقوامی سرمایہ کاروں کی توجہ کا مرکز بن رہے ہیں۔ کمپنیوں کے انضمام سے 148 ملین ڈالر کی سرمایہ کاری بھی حاصل کی گئی۔ اعلامیے میں پاکستان منرل انویسٹمنٹ فورم 2025 میں معدنی شعبے کی پالیسی اصلاحات اور نئی شراکت داریوں پر زور دیا گیا ہے۔
